Prej afro 2 javësh ka shpërthyer çështja Tahiri, çka solli dhe heqjen e imunitetit për deputetin, për ti hapur rrugë hetimit në ish Ministrit të Brendshëm, nëse ka apo jo lidhje me bandën kriminale Habilaj. Të shumtë ishin ata që ngritën pyetjen se përse nuk foli ambasadori Amerikan Donald Lu, i cili ka përcjellë vazhdimisht mesazhe të forta. Por edhe pasi Donald Lu u shpreh dhe kërkoj hetimin e plotë të kësaj ngjarje, sërish ka nga ata që nuk janë mjaftuar me këtë qëndrim. Lapsi.al ka publikuar një video, e cila sipas këtij portali, fakton arsyen se përse Ambasadori Amerikan Lu hesht përballë kësaj situate në vendin tonë.