Pritej nga të gjithë martesa ndërmjet Miley Cyrus dhe Liam Hemsëorth më vonë gjatë këtij viti. Por duket se nuk kemi më çfarë të presim pasi gjithçka mund të ketë ndodhur pa e marrë vesh askush. Ishte babai i artistes kontroverse, Billi Ray Cyrus ai që ndezi spekulimet se vajza e tij mund të ishte martuar në fshehtësi të plotë me të fejuarin e saj. Këngëtari 55 vjeçar i muzikës country postoi në Instagram foton e një aparati fotografik që mbante një pozë shumë të veçantë në ekran. Aty shfaqej Miley me fustan të bardhë nuserie dhe një buzëqeshje të stampuar në fytyrë, nga ato që vajzat mbajnë në ditën më të bukur të jetës së tyre. Si të mos mjaftonte kjo, për të vërtetuar që nuk bëhej fjalë për ndonjë set fotografik, në mbishkrim ai kishte vendosur fjalët “Jam kaq i lumtur”. Më hapur se kaq...