Deputeti i PD, Genc Pollo ka komentuar sjelljen e dy të djathtëve të tjerëMajlinda Bregu dhe Eduart Selamit. Ai në një intervstë për gazetën Panorama, tha se qëndrimi i tyrë dhe deklartat para vendimit për votimit të Reformës në Drejtësi ka dobësuar Partinë Demokratike.
“Çdo betejë ka kosto, pavarësisht se mbyllet me fitore a disfatë. Për fatin e mirë të PD-së e të shtetit ligjor, kjo betejë u mbyll me fitore. Ndërsa deklarimi publik i votës pro reformës pikërisht në momente kritike të vendimmarrjes, mendoj se i dobësoi pozitat e negociatorëve të PD-së e deputetëve të opozitës në komision. Z. Xhafaj, në anën tjetër të tryezës, e kishte kollaj t’u thoshte mos na kërkoni kaq shumë, se dy-tri vota i morëm e tri-katër do t’i marrim dhe e miratojmë edhe pa ju. Fatmirësisht, siç e dimë tashmë, në fundore nuk e dhanë këtë efekt negativ”, tha Pollo.
Deputeti opozitar Pollo komentoi edhe rolin e ndërkombëtarëve në proçes dhe mesazhet e përcjella nga Ambasada e SHBA-ve për deputetët e Kuvendit, duke thënë se mesazhet që ambasada nisi për deputetët dhe masat për të cilat flitej në ato tekste nuk ishin normale, dukeshin si të rezervuara për “terroristët” dhe kriminelët.