Edhe pse vështirë të dallohet në pamje të parë, në foto shfaqet skiatori 28 vjeçar Sam Favret, i cili sfidon trajektoret më të rrezikshme malore për të dhuruar spektakël me skitë e tij. Madje në disa prej tyre është gati e pamundur të pikaset nëse nuk e di saktësisht se ku ndodhet në foto. Favret është rritur në Alpe dhe ka bërë ski gjatë gjithë jetës, çka shpjegon suksesin e tij në këto situata ku të duhet të mashtrosh vdekjen në çdo rrëshkitje. Imazhet janë shkrepr në Chamonix të Francës dhe duhet thënë se janë vërtetë spektakolare.