Gjatë një interviste të fundit, Presidenti i Republikës Ilir Meta, ka deklaruar se nuk ndikohet në vendimet që merr si kreu i shtetit nga Monika Kryemadhi, bashkëshortja e tij.

Meta u shpreh në Opionin se me ardhjen e tij në krye të Presidencës dhe axhendat e ndryshme me bashkëshorten kjo nuk u jep mundësinë sipas tij të takohen shpesh.

Kjo sipas Metës ishte edhe ndryshimi me i madh që ka ndodhur që kur ai është bërë President: “Tani janë dy axhenda krejtësisht të ndryshme aq sa nuk do ta besoni po kishim disa javë që nuk ishim bashkë për darkë apo për drekë.

Presidenti i Republikës, ka treguar gjithashtu për raportet që ai ka me kryeministrin Rama, kreun e opozitës, Lulzim Bashën si dhe ish-kryeministrin Sali Berisha të cilin e ka veçuar duke u shprehur se me të ka marrëdhënie të veçantë.