Çdo vit në Rahovec të Kosovës zhvillohet festivali i njohur “Hardh Fest”, i cili i dedikohet vjeljes së rrushit. Organizatorët e këtij festivali çdo vit ftojnë këngëtarë me famë botërore për të performuar dhe këtë edicion, ata kanë ftuar një nga gruper e rock-ut më të njohura në Suedi, që quhet “Madman’s Choice”.

Pavarësisht se shumë persona që ishin pjesë e publikut nuk e njihnin këtë grup, “Madman’s Choice” sollën një surprizë për të gjithë të pranishmit. Në mes të performancës së tyre, solisti filloi që të këndonte këngën e njohur patriotike “Xhamadani Vija Vija” dhe i gjithë publiku filloi të brohoriste me të madhe.