Gigi Hadid dhe Zayn Malik ishin një nga çiftet më të dashur për publikun dhe shumë fansa u habitën kur u përhap lajmi se raportit të dyshes i kishte ardhur fundi. Por ndarja nuk zgjati as edhe një muaj, teksa u fotografuan së bashku ditë më vonë, duke konfirmuar zërat se ishin rikthyer sërish me njëri-tjetrin, madje Gigi publikon shpesh foto të të dashurit të saj dhe na tregojnë se lidhja e tyre është më e fortë se kurrë.

Gigi ka vendosur të shfaqet tërësisht natyrale në ‘Instagram’, duke qenë se Zayn pëlqen shenjat e krijuara nga dielli në fytyrën e saj. “I dashuri im thotë se ai i pëlqen shenjat e mia nga dielli, kështu që…”, – ka shkruar Gigi. Megjithatë duket se ajo ndodhet mes “dy zjarreve”, sepse nëna e saj nuk e lejon të dalë pa asnjë krem në fytyrë në diell. “Mami të premtoj që kam vendosur ‘sunblock’”, – ka shkruar modelja.