Diva e rekordeve është mësuar të kryesojë, por është akoma e mahnitshme mënyra me të cilën e arrin diçka të tillë. Albumi i saj i fundit, “25”, u rendit si albumi më i shitur i vitit 2015, por jo vetëm! Shitjet e këtij të fundit ishin më të mëdha se katër albumet e tjera pasardhëse të marra bashkë, edhe pse “25” doli në treg vetëm 5 javët e fundit të vitit 2015. I publikuar në nëntor të vitit në fjalë, albumi i tretë i Adele shiti plot 17.4 milionë kopje. Dhe, të kujt janë këto 4 albumet e tjera? Emra fare të zakonshëm...Ed Sheeran, Taylor Swift, Justin Bieber dhe Sam Smith. Por Adele nuk deshi fare t’ia dinte!