I ftuar në Fun Day së bashku me bashkëpunëtorët e tij Lindoni dhe Floriani, këngëtari Adrian Gaxha ka rënë në grackën  e lojës "PO apo JO" të Fatmës. Pas pyetjeve "A je xheloz? A je futur në semafor me të kuqe? Ke vjedhur ndonjëherë?", Fatma ka ngacmuar Adrianin duke e pyetur nëse mban marrëdhënie me kolegun e tij Flor Mumajesi, apo akoma më interesante me ish të dashurën Luana Vjollca. Të dyja pyetjeve artisti i është përgjigjur me heshtje (praktikisht JO), një detaj që ka lënë të kuptohet se e shkuara nuk është edhe aq e harruar për Gaxhën. Si kur bëhet fjalë për konflikte për këngë mes artistësh, ashtu edhe kur bëhet fjalë për të ruajtur një marrëdhënie miqësie me një femër!