Ish kryeprokurori Adriatik Llalla depoziton rekurs në Gjyaktën e Lartë për të kërkuar heqjen e sekuestros preventive ndaj pasurisë së tij. Pronat e tij u përllogariten në vlerën afro 1 miliard lekë dhe prej 23 korrikut janë të sekuestruara.

Më 9 gusht Gjykata e Apelit për Krime të Rënda rrëzoi kërkesën e ish-kryeprokurorit për heqjen e sekuestros preventive.

Pasuritë në sekuestro preventive

-Apartament banimi, me sipërfaqe 67.2 m², ndodhur në Durrës;
-Tokë arë, me sipërfaqe 4.500 m², ndodhur në Tiranë;
-Tokë arë, me sipërfaqe 12.300 m², ndodhur në Tiranë;
-Tokë arë, me sipërfaqe 3000 m², ndodhur në Tiranë;
-Tokë arë, me sipërfaqe 2250 m², ndodhur në Tiranë;

Sipas njoftimit të prokurorisë vlera e tregut e këtyre pasurive arrin në shumën 98.772.000 lekë (918,000$ ose 783,000 euro). Ish kryeprokurori nuk iu nënshtrua vetingut. Ndërsa gjatë procesit në KPA ai nuk u paraqit duke paraqitur një prokurë te lëshuar nga Turqia ku autorizonte avokatin si përfaqësues të tij gjatë procesit.