Agjerimi nuk është më vetëm një detyrë për besimtarët, por ajo është vërtetuar dhe shkencërisht për efektet pozitive, që i sjell organzimit. Agjerimi me fjalë të thjeshta është reduktim i ushqimit dhe pijeve të caktuara dhe shkencëtarëve iu ka rezultuar se ai përmirëson sistemin e trupit, riparon qelizat dhe rikthen funksionin normal hormonal.
Një studim i kryer në Universitetin e Kalifornisë Jugore, ka gjetur se nëse nuk hani për 3 – 5 ditë, do t’ju forcohet sistemi imunitar dhe do të stimulohet rigjenerimi i të gjithë organizmit. Këtë rezultat shkencëtarët e bazojnë tek një eksperiment të bërë me minjtë.
Rezultatet treguan se agjerimi përmirësonte presionin e gjakut, rriste ndjeshmërinë ndaj insulinës, reduktonte inflamacionin dhe ulte ndjeshëm rrezikun e sëmundjeve kronike.
Ekspertë këshillojnë se njerëzit, që duan të praktikojnë agjërimin të paktën 3 deri 5 ditë duhet të rrinë gjatë gjithë ditës pa ngrënë dhe duhet të hanë vetëm në orën 8 të mbrëmjes brenda gjysmë ore.

Ja përfitimet që merren nga këto ditë agjerim:

•    Mban leptinën dhe ndjeshmërinë ndaj insulinës në nivel normal
•    Ul radikalet e lira dhe lufton inflamacionin
•    Rrit sistemin imunitar
•    Ul nivelin e triglicerideve
•    Përmirëson funksionin e kujtesës dhe të mësuarit
•    Nxit proçesin e tretjes, përshpejton metabolizmin, ju ndihmon të bini në peshë
•    Lehtëson efektet anësore të kimioterapisë, për pacientët që vuajnë nga kanceri
•    Ndalon në përhapjen e qelizave kancerogjene
•    Përmirëson shëndetin e trurit