'Air Albania'nis sot fluturimin e parë, test që do e bëjnë studentët dhe maturantët e ekselencës. Për të festuar këtë moment në Rinas ka mbërritur kryeministri Edi Rama.
"Më vjen shumë mirë që këtë fluturim të parë të muajit të testit të Air Albania e bëjnë studentët dhe maturantët e ekselencës. Është një fluturim simbolik, ndërkohë që gjatë gjithë muajit do të jenë disa të tillë.
Aryseja se pse na shkoi mendja tek ju është sepse jeni fytyra e ndritur e gjeneratës tjetër dhe meritoni që të keni të gjithë vëmendjen dhe gjithë respektin, e njëkohësisht edhe një dhuratë simbolike për gjithçka keni bërë dhe gjithçka. Do thoni ju që atë që e bëni për veten tuaj, kjo as nuk diskutohet që e bëni për veten, për prindërit, por forca e shembullit tuaj është një kontribut i jashtëzakonshëm për shoqërinë tonë. Erdha vetëm që të përcjell grupin tuaj dhe jam i bindur që jeni këmba më e mbarë që mund të gjendej në këtë vend për kompaninë tonë të flamurit" ka thënë Rama.

Marrëveshja trepalëshe është miratuar nga qeveria shqiptare më 11 shtator dhe u botua në Fletoren Zyrtare të mërkurën. Marrëveshja thotë se Air Albania do të jetë nën pronësi të Turkish Airlines, 49% e kompanisë shtetërore të kontrollit ajror, Albcontroll 10% dhe të kompanisë së themeluar në Vlorë MDN Investment në masën 41%.
Kompania, sipas vendimit, do të ketë një kapital themeltar prej rreth 800 euro, ndërsa të tre partnerët angazhohen të financojnë shoqërinë brenda pesë ditësh nga themelimi në masën 200 mijë dollarë.