Muzika dhe pozat provokuese janë ato për të cilat Bebe Rexha përflitet më së shumti. Pëlqen që të mos flasë asnjëherë për jetën private ndaj edhe nuk ka bërë publik ndonjë partner. Por fansat, veçse dëgjojnë dhe shijojnë këngët e saj, janë kuriozë të dinë edhe nëse këngëtarja e tyre e preferuar ka në krah një mashkull. Kurioziteti i tyre është shuar falë risisë së fundit nga Instagram, ku i lejon përdoruesit që t’iu drejtojnë pyetje. Njëri prej tyre e ka pyetur Beben nëse është në një lidhje dhe ajo nuk ka ngurruar të përgjigjet duke thënë që është single. Si duket ka vendosur t’i përkushtohet ende me kohë të plotë karrierës se saj e cila po njeh vetëm suksese.