Të paktën 96 persona janë vrarë pasi 14 vagona të një treni ekspres indian kanë dalë nga shinat në shtetin verior të Uttar Pradeshit, sipas BBC.
Incidenti ndodhi pas orës 3 me orën lokale, të dielën (ose 21:30 GMT të shtunën) pranë qytetit Kanpur.
Ekipet e shpëtimit hynë përmes vagonëve të përdredhur për të tërhequr trupat dhe shpëtuar të plagosurit. Më shumë se 100 persona janë raportuar të plagosur.
Nuk ështe e qartë se çfarë e shkaktoi daljen e trenit nga shinat.
Shumica e viktimave ndodheshin në dy vagonat pranë lokomotivës, që ishte përmbysur dhe dëmtuar rëndë.
Shumë udhëtarë janë bllokuar brenda trenit.
Kryeministri Indian Narendra Modi shkroi në Twitter: “ Tejet i shqetësuar përtej fjalëve për humbjen e jetëve nga dalja prej shinave të trenit ekspres Patna –Indore. Mendimet e mia janë me familjet atyre që humbën jetën. Lutjet me ata që u plagosën në këtë aksident tragjik.