Të paktën 14 persona kanë gjetur vdekjen dhe 51 të tjerë kanë mbetur të plagosur në një aksident të rëndë rrugor.

Ngjarja ka ndodhur në Tunizinë Qendrore pas përplasjes së një autobusi herët në mëngjesi në zonën e quajtur Kasserine. Nga aksidenti shpërthyer flakët e zjarrit që prekën rreth 15 makina të tjera.

Hetimet e para bëjnë me dije se një shofer kamioni nuk ka mundur të frenojë dhe për pasojë është përplasur me autobusin e pasagjerëve.

Përveç autobusit, kamioni përplasi edhe disa makina duke përfunduar në një shtyllë elektrike. Dhjetëra të plagosur u dërguan në spital në Kasserine, ndërsa ekipet e emergjencës po punojnë për nxjerrjen e të plagosurve të tjerë.