Një aksident i rëndë ka ndodhur në Librazhd, ku një person ka mbetur i vdekur. Ngjarja mësohet se ka ndodhur në aksin Përrenjas-Librazhd, në hyrje të urës së Bushtricës. Sipas të dhënave të para mësohet se viktima është një qytetar nga Maqedonia. Ai ka qenë duke drejtuar një motor në momentin kur është përplasur me bordurën. Nga përplasja e fortë ka gjetur vdekjen. Policia ka shkuar në vendin e ngjarjes dhe ka nisur hetimet.