Një aksident i rëndë ka ndodhur pak më parë në aksin rrugor Lushnje-Berat. Dy automjete njëri tip Benz dhe tjetri tip Toyota-Yaris janë përplasur me njëra-tjetrën, ku kanë mbetur të plagosur 7 persona, mes tyre dhe 3 fëmijë.

Sipas policisë, si pasojë e përplasjes kanë mbetur të dëmtuar shtetasi F.M dhe pasagjeri në automjetin tip ‘Ben’, shtetasi I.Q si edhe shtetasi A.P dhe pasagjerët në mjetin tip ‘Toyota’ shtetasja A.P dhe 3 fëmijë të mitur 5, 7 dhe 13 vjeç.

Të plagosurit janë dërguar menjëherë në spitalin e qytetit të Lushnjes, ku dhe po marrin ndihmën e shpejtë.

Ndërkohë policia ka mbërritur në vendngjarje dhe po punon për zbardhjen e plotë të aksidentit.

Informacion paraprak

Sot rreth orës 19:50, në rrugën Lushnje-Berat, në vendin e quajtur “Fiershegan”, është përplasur automjeti tip “Benz“, me drejtues shtetasin F.M, me automjetin tip “Toyota“, me drejtues shtetasin A.P.

Si pasojë e përplasjes kanë mbetur të dëmtuar shretasi F.M dhe pasagjeri në automjetin tip “Benz”, shtetasi I.Q si edhe shtetasi A.P dhe pasagjerët në mjetin tip “Toyota” shtetasja A.P dhe 3 fëmijë të mitur 5, 7 dhe 13 vjeç, të cilët ndodhen në Spitalin e Lushnjes nën kujdesin e personelit mjekësor.

Grupi hetimor ndodhet në vendngjarje dhe po punon për zbardhjen e shkakut të këtij aksidenti.