Një aksident i rëndë është regjistruar pasditen e sotme në Shkodër ku 3 automjete janë përplasur me njëra tjetra duke i marr jetën një personi.

Viktima është drejtuesi mjetit Benz me targa AA 802 JA Ludovik Malota 62 vjeç i cili ndërroi jetë në spitalin e Shkodrës.

Njoftimi i policisë bënë me dije se në këtë aksident të rëndë është përfshirë dhe myftiu i Malësisë së Madhe Edmir Smajlja bashkë me bashkëshorten të cilët kanë përfunduar me lëndime të lehta.

Informacion Paraprak

Me datë 24.05.2018 rreth orës 17:45 jemi njoftuar se në aksin rrugor Shkodër- Lezhë në vendin e quajtur krye-Bushat ka ndodhur një aksident.

Menjëhere kanë shkuar shërbimet e policisë ku kanë konstatuar se mjetet tip Benz Me targë AA 802 JA, mjeti tip Peugeot me targë AA 019 FF dhe mjeti tip Opel me targë AA 332 EK janë perplasur, ku për pasojë ka ndërruar jetë drejtuesi i mjetit tip Benz shtetasi L. M. 62 vjeç, pasi ka mbërritur në Spitalin Rajonal Shkodër

Si pasojë e aksidentit ka janë dëmtuar dy pasagjeret e mjetit Benz shtetaset D. M. 57 vjeçe dhe K. M. 25 vjeçe të cilat ndodhen në Spitalin Rajonal Shkodër nën kujdesin e mjekëve

Ndërsa dy drejtuesit e dy mjeteve të tjera shtetasit A. K. dhe E. S. do shoqërohen në ambientet e Komisariatit të Policisë Shkodër për veprime të mëtejshme

Në vendngjarje ndodhet grupi hetimor dhe po punon për sqarimin e rrethanave të aksidentit.