Një aksident i rëndë automobilistik ka ndodhur pak minuta më parë në aksin Bajram Curri – Sopot, pranë Cërrnicës.

Raportohet se një fëmijë 9-vjeçar ka humbur jetën si pasojë e përplasjes së dy automjeteve. Pesë persona të tjerë kanë mbetur të plagosur. Të plagosur kanë mbetur shtetasit me iniciale B.Ç, Z.M, A.Ç, A.Ç dhe H.L.

9-vjeçari me inicialet E.Ç u nis drejt spitalit të Bajram Currit por ka ndërruar jetë rrugës si pasojë e plagëve të rënda.

Mësohet se dy mjetet e përplasura me njëra-tjetrën janë tip “Benz” dhe “Toyota”. Policia ka mbërritur në vendin e ngjarjes dhe po heton për zbardhjen e plotë të shkaqeve.