Dy persona kanë mbetur të plagosur si pasojë e një aksidenti mbrëmjen e sotme në Elbasan.

Aksidenti ka ndodhur në lagjen “Beqir Dardha” pranë kryqëzimit të shkollës “Luigj Gurakuqi” dhe janë përfshirë 3 automjete.

Dyshohet se aksidenti ka ndodhur si rezultat i një parakalimi të gabuar, ndërsa është paralizuar përkohësisht qarkullimi.

Sipas burimeve të “BalkanWeb” nga vendngjarja, një nga dy të lënduarit ndodhet në gjendje të rëndë për jetën.