Tre makina janë përplasur mëngjesin e sotëm, duke plagosur rëndë 4 persona. Aksidenti ka ndodhur në orët e para të mëngjesit të sotëm në Balldre të Lezhës.

Siç është mësuar, tre automjetet janë përplasur dhe kanë devijuar nga rruga. Siç duket edhe nga fotot nga vendi i ngjarjes automjetet janë pothuaj të shkatërruar.
Ndërkohë, 4 personat që ndodheshin në to janë transportuar në gjendje të rëndë në Spitalin e Lezhës.