Një 24 vjeçar ka humbur jetën si pasojë e një aksidenti të rëndë të ndodhur në aksin rrugor Durrës- Rrogozhinë. Ngjarja ka ndodhur në vendin e quajtur “Mbikalimi i Varrezave” kur mjeti tip Benz, drejtuar nga Soren Veshaj, 28 vjeç është përplasur në pjesën e pasme të një mjeti tjetër i cili kishte ndaluar në rrugën kryesore. Si pasojë e përplasjes mes dy mjeteve ka humbur jetën shtetasi Xh. Xh., 24 vjeç, pasagjerë në mjetin tip Benz. Drejtuesi i mjetit është arrestuar nga policia për veprën penale të shkeljes së rregullave të qarkullimit rrugor. Policia ka bërë me dije se po punon për sqarimin e plotë të rrethanave të ngjarjes.