Një aksident i rëndë është regjistruar ditën e sotme ne Bulqizë ku si pasojë kanë mbetur 4 persona të plagosur, dy prej të cilëve në gjendje të rëndë.

Ngjarja ka ndodhur segmentin e rrugës së Arbërit në vendin e quajtur Vajkal.

Nga informacionet paraprake mësohet se një mjet tip “Citroen” me targa Maqedonase SU 324 SB, e cila udhëtonte në drejtim të Tiranës, ka dalë nga rruga dhe për pasojë janë plagosur rënde 4 personat qe ndodheshin ne makinë.

Sipas policisë shkak i aksidentit, mendohet të ketë qenë shpejtësia e madhe me të cilën shoferi drejtonte automjetin.

Ndërsa të aksidentuarit ndodhen në spitalin e Bulqizës, ku dy prej tyre janë nisur me ambulancë drejt spitalit ushtarak për një mjekim më të specializuar.