Një aksident i rëndë ka ndodhur në aksin rrugor Elbasan-Peqin. Një automjet tip “Suzuki” ka dalë nga rruga dhe si rrjedhojë është plagosur rëndë drejtuesi. ‘Në aksin rrugor Elbasan- Peqin, në fshatin Lolaj, mjeti tip “Suzuki” me targa AA 830 BK, me drejtues shtetasin E.F., 26 vjeç, banues në fshatin Pekisht, Peqin, ka dalë nga rruga. Dhe për pasojë është dëmtuar vetë drejtuesi i mjetit, shtetasi E.F., i cili u transportua në Spitalin Rajonal Elbasan, dhe është në gjendje të rëndë shëndetësore. Grupi hetimor ndodhet në vendngjarje dhe po punon për zbardhjen e shkakut të aksidentit”, sqaron policia.