Një 23-vjeçare ka humbur jetën në një aksident automobilistik. Ngjarja ka ndodhur në rrugën Kavajë-Lushnje, pranë vendit të quajtur rrethrrotullimi i Bishtit të Zhurit. Menjëherë në vendngjarje kanë mbërritur unifoprmat blu, të cilat po punojnë për zbardhjen e plotë të ngjarjes së rëndë. Sipas policisë viktima ishte pasagjerë, ndërsa drejtuesi i mjetit humbi kontrollin duke dalë jashtë rrugës.
Njoftim i Policisë:
“Më datë1 mars 2017 u arrestua shtetasi Alvi Rr., 25 vjeç, banues në Elbasan, në rrugën automobilistike Kavajë - Lushnje, pranë rrethrrotullimit tek "Bishti i Zhurit", duke drejtuar automjetin tip "Mercedez Benz", ka humbur kontrollin e mjetit, duke dalë jashtë rruge dhe si rrjedhojë ka sjellë botimin e automjetit.
Për pasojë ka gjetur vdekjen në vend shtetasia J.T, 23 vjeçe, banuese në Lushnje, pasagjere në këtë mjet.
Nga aksidenti është dëmtuar lehtë drejtuesi i mjetit dhe pasagjerja tjetër, B.T, 20 vjeçe, banuese në Lushnje, të cilët pasi morën mjekim në spitalin e Lushnjes, ndodhen jashtë rrezikut për jetën”.