Mund të kishte pasoja të rënda , por fatmirësisht nga raportimet e para aksidenti i sotëm në aksin Gramsh –Moglicë, nuk pati të lënduar me dëmtime serioze. Aksident automobilistik ka ndodhur në këtë aks ku një autobus me pasagjerë ka dalë nga rruga pas përplasjes me një mjet tjetër tip “Rover” me targa AA 830 JH.
Kjo ngjarje ka sjellë panik të madh te udhëtarët, që ishin punëtorë të HEC-it të Moglicës. Aksidenti ka ndodhur në vendin e quajtur “Kthesa e Bersnikut” ku autobusi ishte duke transportuar punëtorët drejt HEC-it. Policia ka shkuar menjëherë në këtë vend dhe po punon për zbardhjen e plotë të rrethanave të aksidentit.