Që në orët e para të mëngjesit ka ndodhur një aksident i rëndë në Velipojë, me humbje jete. Viktimat janë dy shetetas italianë dhe dy shqiptarë, Giorgio Angelo, 25 vjeç, Besmir Kola, 29 vjeç dhe Artemisa Peraj, 24 vjeç, po ende nuk dihet identiteti i personit të katërt.

Makina tip BMW në të cilën udhëtonin 2 shqiptarët dhe 2 italianët ka rënë në kanalin e Vilunit. Niveli i ujit është i konsiderueshëm në kanalin e Vilunit dhe kjo ka bërë që shoferi me 3 pasagjerët të mbyten. Policia është njoftuar mëngjesin e sotëm për aksidentin nga kalimtarët dhe mbërritur menjëherë në vendin e ngjarjes, ku ka nisur punën për nxjerrjen e trupave nga kanali i Vilunit ku përfundoi makina.
Dyshohet se shkak i aksidentit është bërë rruga e pa asfaltuar, e cila është burim i shpeshtë i aksidenteve, por edhe mungesa e ndriçimit në këtë pjesë të rrugës.