Zëdhënësi i policisë, Peter Nystedt, theksoi se 6 persona janë lënduar më rëndë, ndërsa 31 të tjerë kanë pësuar lëndime të lehta.

Në autobus gjendeshin 52 gjimnazistë dhe 7 persona të rritur, në mesin e të cilëve edhe shoferi, ndërsa në një video shihet automjeti i përmbysur në njërën anë të autostradës.

Ngjarja ndodhi në autostradën kryesore në jug të vendit Sveg, 430 kilometra në veriperëndim të kryeqytetit Stokholm. Ende nuk dihet arsyeja e aksidentit, por theksohet se rruga ka qenë e ngrirë.