Dy shqiptarë janë aksidentuar në Limena të Italisë, pasi janë përplasur me një kamion. Sipas raportimeve të mediave italiane, shkak i aksidentit ka qenë shpejtësia e lartë me të cilën po ecnin shqiptarët duke i rënë kështu kamionit nga pas. Goditja ka qenë aq e madhe sa që makina ka përfunduar poshtë kamionit. Identiteti i shqiptarëve nuk bëhet i ditur, por ata janë të moshës 27 dhe 30 vjeç, dhe ndodhen në gjendje të rëndë shëndetësore në spital.  Si drejtues i kamionit është ndaluar një 40-vjeçar rumun, i cili nga aksidenti nuk ka pësuar dëmtime.