Një aksident automobilistik ka ndodhur  pasditen e sotme në vendin e quajtur “Qafa e Muzinës” në Sarandë. Një autobus me studentë të një universiteti në Tiranë, që po ktheheshin nga udhëtimi disa ditor në Sarandë është përplasur me një mjet tjetër teksa po zbriste "Qafën e Muzinës". Mësohet se nga përplasja janë shtatë persona, 4 prej të cilëve fëmijë, dhe po udhëtonin me autoveturën me targa greke drejt shtetit helen. Në vendin e ngjarjes ka shkuar policia si dhe një ambulancë. Ata janë dërguar në spitalin e Gjirokastrës për të marrë ndihmë mjekësore. Ndërkohë, studentët nga Tirana që udhëtonin me autobus kanë pësuar lëndime të vogla.