Moderatorja e emisionit “Ditë e re”, Dajana Shabani ka pësuar një aksident në autostradën Tiranë-Durrës rreth mesditës së sotme, nga ku fatmirësisht nuk ka pasur asnjë të lënduar.

Siç raporton edhe “Ora News”, Dajana po udhëtonte me vajzën e saj të vogël 3 vjeçare dhe një mikeshë të ngushtë, kur në një moment të papritur një makinë i ka prerë rrugën në korsinë e saj.

Në këtë moment Dajana për të shmangur përplasjen me makinën përpara ka devijuar mjetin e saj tip Fuoristradë drejt pengesave anësore.

Policia ka ardhur për të bërë verifikimet në vendngjarje menjëherë pas këtij momenti.