Një 29-vjeçar është arrestuar nga efektivë të Policisë së Vlorës, pasi mbrëmjen e së shtunës rreth orës 23:30, ka aksidentuar tre gra pas përplasjes së automjetit të tij me një tjetër, në rrugicat e Novoselës. Eridjon Qarri, banues në Novoselë akuzohet për “shkelje të rregullave të qarkullimit rrugor” dhe “drejtim mjeti pa dëshmi ose në gjendje të dehur”, ndërsa të plagosurat A.N. 24 vjeç; S.A. 44 vjeç; si dhe V.H. 43 vjeç, që të treja me banim në Novoselë, raportohen jashtë rrezikut për jetën. Në momentin e aksidentit, makina Renault e autorit, është përplasur me mjetin Alfa Romeo të drejtuar nga 28-vjeçarja O.N, banore e po këtij fshati. Materialet hetimore ndaj 29-vjeçarit iu referuan Prokurorisë së Vlorës, ka njoftuar policia.