Një tjetër kalimtar është përplasur nga një makinë e modelit "Range Rover" pranë Institutit Bujqësor në Kamëz.

Menjëherë pas aksidentit drejtuesi i automjetit është larguar nga vendi i ngjarjes duke e lënë në mëshirë të fatit të plagosurin.

Mësohet së i lënduari është nisur menjëherë drejt spitalit në gjendje të rënë.

Policia ka bërë të mundur që disa minuta më vonë të ndaloj dhe drejtuesin e mjetit me inicialet E.Gj.

Pas kontrollit të mjetit i është gjetur dhe një sasi lënde narkotike. Policia e ka arrestuar në flagrancë ndërsa i aksidentuari mësohet se ndodhet në Spitalin e Traumës, në gjendje të rëndë.