Në vijim të aksioneve për goditjen e veprimtarisë kriminale të kultivimit të bimëve narkotike janë zbuluar dhe asgjësuar 18.680 bimë kanabis.

Gjatë kontrollit policor të ushtruar në vendin e quajtur “Zazan”, fshati Kalivaç, bashkia Memaliaj, janë gjetur dhe asgjësuar 17.500 bimë narkotike.

Gjithashtu nga kontrolli i ushtruar në vendin e quajtur “Përroi i Zelenicës”, fshati Kalivaç u gjetën dhe u asgjësuan 1.180 bimë kanabis të cilat u asgjësuan në vend me anë të djegies. Policia po punon për identifikimin dhe kapjen e autorëve.