Një ditë pas operacionit në Krujë, ku u gjet dhe më pas u sekuestrua një masë e madhe kanabis sativa, policia e Durrësit ka dhënë disa detaje për operacionin. Sipas uniformave blu në këtë operacion janë sekuestrua plot 1.3 ton kanabis sativa, ndërsa në pranga kanë përfunduar 11 persona. Gjithashtu gjatë kontrollit të ushtruar, policia ka sekuestruar edhe 6 armë zjarri.
Lënda narkotike është zbuluar në një magazinë dhe një banesë të pabanuar.
Janë arrestuar në flagrancë shtetasit:
“Erjon Vathi, 27 vjeç, banues në Derven, Krujë; Ferit Sula, 45 vjeç, lindur në Burrel; Ali Kuçi, 19 vjeç, banues në Milot; E.N. 16 vjeç, banues në Derven, Krujë; Besmir Vathi, 18 vjeç, banues në Derven, Krujë; Erald Bardhoku, 29 vjeç, banues në Derven, Krujë; Kujtim (Valentin) Rexhepi (Smykalova), 48 vjeç, banues në Fushë-Krujë; Gazmir Gjokea, 29 vjeç, banues në Derven, Krujë; Nilson Gega, 26 vjeç, banues në Derven, Krujë; Gjovalin Gjokea, 47 vjeç, banues në Derven, Krujë dhe Aurel Gjokea, 22 vjeç, banues në Derven, Krujë”.