Kryetari i PD, Lulzim Basha u bëri thirrje qytetarëve që ti bashkohen protestës që do të mbajë opozita këtë fillim viti. Nga qyteti i Fierit ku ishte me rastin e 27-vjetorit të themelimit të degës lideri demokrat i është kundërpërgjigjur Ramës, i cili tha në mbledhjen e Asmablesë se opozita nuk e do Vettingun dhe Reformën.
“I bëjmë thirrje kurajos më të lartë të qytetarëve t’i bashkohen Partisë Demokratike për rrugën e daljes. Partia Demokratike do të tregojë me vepra dhe jo me fjalë se është gati t’i prijë shqiptarëve për të rikthyer shpresën se të nesërmen do ta ndërtojmë në vend”-ishte thirrja e liderit opozitar, i cili shtoi se demokratët nuk do ta lënë vendin peng të korrupsionit e krimit.

“Rama bëri fushate 1 vit duke akuzuar opozitën se nuk donte vettingun. Sot e zgjodhi kryeprokurorin pa vetting. Sepse e kanë jetike pengimin e reformës së vërtetë në drejtësi. Por ne nuk do ta lëmë vendin peng të korrupsionit, të krimit. Eshte iluzion per kedo qe te besoje se nje kryeminister i i kapur nga krimi, do te kete vullnet te luftoje krimin dhe dhe te beje reformen zgjedhore. E kunderta eshte e vertete” -deklaroi Basha. Sërish Basha ka sulmuar Tahirin dhe njerëzit e qeverisë së Ramës. “Saimiri Tahiri përfitoi miliona nga trafiku i drogës dhe është i lirë, ndërsa Estref Halili, i riu 22 vjecar, vari veten në burg një vit më parë për 2 gram hashash. Sot e gjithë qeveria është ngritur në këmbë për Saimir Tahirin, por asnjë nuk tha një fjalë për 22 vjecarin që ndërpreu jeteë për 1 cigare hashash. Edi Rama u bë edhe prokuror, edhe gjykatës për të mbrojtur Saimir Tahirin” deklaroi ai. Basha akuzoi se Tahirit iu kthye pasaporta dhe Sota u lirua, menjëherë pasi Rama zgjodhi kryeprokuroren e re Arta Marku. “Menjëherë pas emërimit të Ramës Kryeprokuror, Saimir Tahirit ia kthyen pasaportën. Orest Sota u la i lirë sepse Edi Rama e do me cdo kusht mbylljen e dosjes, sepse ky është fundi i qeverisjes së tij”-tha kryedemokrati.