Ditën e djeshme kemi parë të gjithë njerëzit të veshur me simbolet tona dyngjyrëshe, kuqezi. Rrugët, ballkonet e shtëpive, bizneset, por edhe rrjetet sociale, anë mbuluar nga ngjyrat kuqezi.

Që në orët e para të mëngjesit, edhe profilet e Instagramit janë mbuluar nga simbolet kombëtare. Personazhet e njohur kanë uruar shqiptarët me mënyrën e tyre dhe një prej tyre është edhe aktori turk shumë i dashur për publikun dhe shumë i komentuar në media për martesën me Almeda Abazin, Tolgahan Sayisman.

Aktori i serialeve shumë të ndjekur ka postuar një foto të flamurit duke shkruar në shqip: “Gëzuar ditëlindjen Shqipëri” e duke bërë të lumtur të gjithë fansat shqiptarë.

Kujtojmë që Tolgahan nuk harron ta urojë Shqipërinë dhe Kosovën çdo vit e madje urimet e tij janë gjithmonë në shqip.