Aktori i njohur 47-vjeçar, Gerard Butler është dërguar me urgjencë në spital pasi ka bërë aksident me motorr.
Ngjarja ka ndodhur në Los Angelos, teksa një makinë i ka prerë rrugën. Butler është aksidentuar teksa po përpiqej që t’i shmangej makinës, por fatmirësisht nuk ka marrë dëmtime shumë të rënda.

“Fatmirësisht nuk ka kocka të thyera, por vetëm mavijosje”, ka thënë një burim i afërt i tij.

Për fat të mirë, gjendja e tij është mjaftueshëm e mirë aq sa për të mos humbur premierën e filmit “Geostorm” e cila do të mbahet javën e ardhshme ku Butler luan rolin e një ish-komandati të një stacioni hapësinor.