Ai është një prej aktorëve më të dashur për të gjithë, pasi me filmat e tij komedi na ka shkrirë së qeshuri dhe padyshim është një prej atyre aktorëve që do t’a mbajmë mend gjatë, jo vetëm prej filmave.

Eddie Murphy, duket se “do të thyejë” rekordin Guinness si aktori hollivudian me më shumë fëmijë, pasi së shpejti ai do të bëhet baba për herë të dhjetë.

Partnerja 39-vjeçare e aktorit është shtatzënë. Ky do të jetë fëmija i dytë për aktoren bjonde Paige Butcher pasi çifti kanë edhe një vajzë së bashku.

Ndërsa fëmijët e tjerë Eddie i ka nga martesat dhe marrëdhëniet e mëparshme.

"Do të jetë një djalë", tha aktori duke konfirmuar lajmin se Paige është shtatzënë.

"E di ç’është qesharake, asnjë nga fëmijët e mi nuk janë si unë, dhe unë jam i sigurt që prindërit e thonë këtë gjatë gjithë kohës, ata janë krejtësisht të ndryshëm nga njëri-tjetri. Ata të gjithë kanë veçantinë e tyre, ata janë fëmijë të mirë", është shprehur aktori teksa duket mjaft i lumtur që do të bëhet sërish baba.