Nëse ndonjëherë keni menduar se si do të ishte sikur aktorja Jennifer Aniston do të ishte presidente , tani nuk e keni më të nevojshme që të imagjinoni. Netflix sapo ka njoftuar se aktorja e njohur e serialit “Friends” do të luajë rolin e Presidentes së SHBA-së, ndërsa Tig Notaro do të luajë gruan e saj në komedinë e ardhshme politike “First Ladies”.

Po, po, e lexuat mirë!

Seria e re televizive do të pasqyrojë jo vetëm gruan e parë që do të zgjidhet Presidente, por gjithashtu do të pasqyrojë se ajo është një lezbike dhe për herë të parë një çift i të njëjtit seks do të drejtojë SHBA-në. Shkruar nga Notaro dhe Stephanie Allynne , ky serial synon që të provojë se pas çdo gruaje të madhe, është një tjetër grua e madhe.

Nuk ka ende një trailer zyrtar për këtë serial, por jemi të sigurt që do të vijë së shpejti dhe të gjithë kemi për të shijuar fuqizimin e grave.