Ai është akuzuar nga ish bashkëshorti i Cathriona White, se ishte pikërisht aktori 54 vjeçar ai që i dha 3 ilaçet e fuqishme me të cilat ajo kaloi në mbidozë. Në faturën e tyre rezultonte emri Arthur King, që është dhe pseudonimi i Carrey, ndërkohë që vetë White nuk mund t’i blente pasi ishte përpjekur të vetëvritej më parë. Për këtë arsye asnjë farmacist nuk do pranonte që t'i shiste asaj medikamente pa recetë, por për Jim gjithçka do të ishte "bukë e djathë". Nuk ka vonuar përgjigja e artistit kanadezo-amerikan i cili i ka quajtur këto akuza si shpifjet e paturpshme të një oportunisti që kërkon të fitojë ndonjë dollar të qelbur. Ai deklaroi fort se do ta luftojë në gjyq për të mbrojtur emrin e tij dhe që Cathriona të prehet e qetë në paqe. Në rast se do të vërtetohej e kundërta ama poshtërimi publik do të ishte e keqja më e pakët pasi do ta priste burgu.