Aty djemtë nuk kanë folur vetëm për muzikën, por edhe për eksperiencën që patën me pjesëmarrjen në ‘C’est la Vie’ . Ata ndoshta u treguan më të sinqertë seç duhet dhe zbuluan disa detaje që nuk diheshin në lidhje me partneren e tyre në konkurim, aktoren Eva Alikaj. 

Djemtë thanë se e duan shumë Evën, pavarësisht se ajo i kishte “çmendur” pak me preferencat e saj muzikore.
“Ja kaluam shumë bukur te “C’est la Vie”, përveçse Eva na çmendi me ato këngët. Marrëdhënia me të ishte shumë, shumë, shumë e mirë, por zgjidhte këngë nga ato, post Enver Hoxha”,- thanë ata duke qeshur. Ndërsa, kur u pyetën për disa nga prapaskenat e spektaklit Alar Band kujtuan sërish partneren e tyre, Evën.

“Eva gjithmonë para se të dilte në skenë, po mos të ikte 20 herë në tualet dhe po të mos e merrnim ne me autoporlant “Evaaaa… ku je se kemi rradhën, o Eva?” . “Jam në tualet, po vij”, thoshte. Të gjithë mendonin se ajo ikte se vuante nga veshkat, por në të vërtetë ajo këndonte në tualet”,- u shprehën ata duke i thënë: "Eva të duam shumë, bëmë shaka deri tani."