Një person që ka kaluar zonën e konrollit pa e kryer atë është bërë shkak që Gjermania dhe pikërisht aeroporti i Frankfurtit të alarmohet. Dyshimet e autoriteteve sipas mediave ndërkombëtare lidhen me lëndë eksplozive apo bomba që mund të këtë me vete një pasagjer. Për këtë arsye policia ka evakuuar menjëherë disa zona në aeroportin e Frankfurtit dhe të gjithë pasagjerëve u është kërkuar që të largohen nga niveli 1 dhe 2.
Faqja zyrtare e aeroportit njofton se pasagjeri ka hyrë pa iu nënshtruar kontrollit dhe policia ka mbërritur në terminalin A duke pezulluar punën si një masë sigurie deri në rinisjen e fluturimeve.