Albi Nako është një ndër koreografët më të njohur dhe një ndër personazhet më të komentuar në shoëbizz-in shqiptar, sidomos pas ndarjes nga Klaudia Pepa dhe aludimeve për një lidhje të mundhsme me balerinën Alba Hoxha, por ai i ka mohuar këto zëra.

Para pak ditësh Albi ishte i ftuar në “Opinion” ku sëbashku me panelin e të ftuarve ka folur për dashurinë për kafshët dhe ndryshe nga të tjerët ka rrëfyer bashkëjetesën me një gjarpër piton.

Ama një fjali e tij u interpretua ndoshta ndryshe nga publiku i cili mendoje se ishte një “kunj” për Klaudia Pepën.

“E kam mbajtur edhe në krevat gjarprin. Nuk është se e kisha bashkëshorte”,është fjalia të cilën shumë komentues në rrjetet sociale u shprehën se Albi e kishte për Klaudiën, madje disa portale e bënë edhe lajm.

E sigurisht që Klaudia s’ka mbyllur sytë dhe këto tituj e komente janë parë nga ajo e cila ka bërë një postim shumë interesant dhe kuptimplotë.

“Bëni kujdes nga burrat që nuk ju duan më, por që herë pas here rikthehen për tu siguruar që ju nuk jeni të lumtura pa ta”, thuhet në postimin e Klaudias.