Mjafton të dëgjosh një nga krijimet për ta kuptuar se nuk ka më kthim prapa dhe se je bërë tashmë fans i tij. Çdo këngë të ngacmon për të dëgjuar të radhës dhe ndoshta këtë kishte parasysh Kim Kardashian kur u sugjeroi ndjekësve të saj ”ta dëgjonin këtë djalin e ëmbël shqiptar”. Dhe Stanaj e ka justifikuar gjithë vëmendjen duke mos zhgënjyer askënd. Këngëtari i talentuar, sapo ka publikuar në soundcloud edhe këngën e parë të albumit. Ky është albumi i parë i tij, realizuar nën kujdesin e Lava Music dhe pritet të vijë shumë shpejt përpara publikut. Nisni numërimin mbrapsht për atë që mund të quhet kënaqësi për veshin.