Trajneri i Juventusit, Massimiliano Allegri, ka thënë se është shumë i lumtur me titullin e fituar.

‘Zonja e Vjetër’ festoi të dielën titullin e gjashtë radhazi në Seria A, të tretin nën drejtimin e Allegrit.

Tekniku italian shprehet mjaft i lumtur për trofeun, por kërkon përqëndrim të vëmendjes në finalen e Cardifit më 3 qershor kundër Reali Madrid.

“Jam shumë i lumtur për titullin e fituar. Është trofeu i dytë brenda javës, por ai më i rëndësishmi do të diskutohet më datë 3 qershor, ndaj Realit", tha Allegri.

Allegri, i cili ka fituar katër tituj të Serisë A në karrierën e vet, një më Milanin dhe tre me Juventusin thotë se titulli i fituar me ‘Rossonerët’ është më i veçanti në karrierën e tij pasi është i pari.