Në një njoftim të Mabsadës Amrikanë në Tiranë, thuhej se protesta kundër mbetjeve po organizohet nga partia opozitare, PD. Por menjëherë pas kësaj deklarate, ka reaguar AKIP (Alenaca kundër Importit të plehrave) të cilët i kujtojnë edhe njëherë zyrtarëve amerikanë se kjo protestën e sotme e organizon vetë AKIP. Gjithashtu ata i kërkopjnë AMbasadës që të korigjojë menjëherë tekstin e deklaratës.

“Sqarim! Lidhur me njoftimin zyrtar të Ambasadës Amerikane për marshim-protestën e ditës së nesërme kundër importit të plehrave, i bëjmë me dije Ambasadës Amerikane se autorësia e kësaj proteste i takon Aleancës Kundër Importit të Plehrave, AKIP, që është një grupim vullnetarësh qytetare dhe ojf-sh. Leja për protestën e nesërme është dërgur nga AKIP. I kërkojmë menjëherë Ambasadës Amerikane të korrigjojë menjeherë tekstin pasi sipas njoftimit të saj, kjo protestë organizohet nga opozita. Ju faleminderit, AKIP”, thuhet në reagimin e aktivistëve.