Aplikimet për Lotarinë Amerikane tashmë janë hapur dhe padyshim shumë shqiptarë e kanë mendjen te “ëndrra amerikane”. Ambasada e SHBA, me anë të një postimi në Facebook, ka njoftuar një mënyrë të re për t’ju informuar rreth procesit të aplikimit të vizave.

Ja deklarata e Ambasadës së SHBA:

Jemi duke u përpjekur që të shpjegojmë për ju procesin e aplikimit të vizave në një mënyrë të re! Kemi krijuar një personazh virtual – e kemi quajtur “Konsullja Anna” - e cila shumë shpejt do i përgjigjet të gjitha pyetjeve lidhur me vizat në një program të ri në facebook të titulluar “Pyet Anën.” Konsullja Anna është një personazh jo real, por mos u gënjeni! Këshillat e saj do të vijnë nga një ekip zyrtarësh të vërtetë të konsullatës në Ambasadë, të cilët kanë ndihmuar në krijimin e saj. Nesër ne do të postojmë numrin e parë të “Pyet Anën”! Mos humbisni!