Ambasada e Shteteve të Bashkuara të Amerikës në Tiranë i bën thirrje prokurorëve shqiptarë që të aplikojnë për të hyrë në garën për një post në Këshillin e Lartë të Prokurorisë.
Ambasada përmes një postimi në rrjetin social, i bën thirrje prokurorëve patriotë, të ndershëm dhe me integritet, që të dalin përpara për t’i shërbyer vendit të tyre.
Njoftimi i plotë:
‘’Shqipëria është në prag të krijimit të një sistemi drejtësie që vërtet i shërben interesave të qytetarëve të saj. Iu bëjmë thirrje prokurorëve të ndershëm, patriotë dhe me integritet që të bëjnë përpara dhe t’i shërbejnë vendit të tyre në Këshillin e Lartë të Prokurorisë. Bëhuni pjesë e të ardhmes së Shqipërisë!’’