Ministrja për Integrim e Serbisë, Jadranka Joksimoviç pas takimit me ambasadorët e shteteve anëtare të BE-së në Bruksel, tha se askush nuk ka përmendur përfshirjen apo ndryshimin e dialogut Kosovë - Serbi.
Gjatë takimit me ambasadorët, ajo paraqiti argumentet e Serbisë rreth rolit në marrëveshjet e Brukselit, mënyrën e arritjes dhe zbatimit të tyre.
"Nuk ka pasur ndërhyrje në lidhje me përfshirjen e drejtpërdrejtë apo ndryshimin e formatit. Procesi në vetvete është i komplikuar dhe ka shumë vështirësi dhe pasiguri, por ka kuptim dhe perceptim se Beogradi është ai që ka detyrimet e veta në mënyrën që ka nënshkruar dhe përmbushur, ndërsa të tjerët nuk janë"-ka thënë ministrja serbe.
Joksimoviç theksoi gjithashtu se Serbia tani pret të shohë rezultatet për statutin e asociacionit të komunave me shumicë serbe, afati për të cilin kalon pas tre muajsh.
19 Nov 2024 
